भारतमा पानीको तलाउमा डुबेर अछामको कमलबजारका एक युवकको मृत्यु

चन्द्र प्रसाद भाट,बैशाख १० गते । अछामको कमलबजार नगरपालिकाका एक यूवकको भारतमा मृत्यू भएको छ ।

कमलबजार नगरपालिका वडा नः ८ ढाँकु पास्तोली निवासी पहराम बिस्टका १६ बर्षिया छोरा मोहन बिस्टको भारतको महाराष्ट्रमा पानीको तलाउमा डुबेर मृत्यू भएको त्यहाँबाट मृतकका आफन्त खकेन्द्र बिस्टले जानकारी दिनुभयो ।

आज दिउँसो ४ बजे भरीएको पानीको तलाउमा डुबेर ज्यान गएको बिस्टले रेडियो गाउँघरलाइ जानकारी दिएका छन ।

महाराष्ट राज्यमा कोरोनाको संक्रमण बढ्दै गएपछि लकडाउन गरीएको छ । बिस्टका अनुसार लकडाउन पछि कोठामै बस्दै आएका बिस्ट आफ्नो कोठा नजिकै रहेको पानीको तलाउ सम्म घुम्न गएको बुझिएको छ ।

आज दिउँसो तलाउमा घुम्नका लागी २ जना गएको र तलाउनमा खेल्न खोज्दा एक जनाको मृत्यु भएको उहाँले बताउनुभयो ।सुदूर दर्पण