मदन जैसी अछाम
वर्ल्डभिजन ईन्टरनेश्नल नेपाल र आस्था नेपाल अछाम एवं पन्चदेवल बिनायक नगरपालिकाको संयुक्त साझेदारी एवं पन्चेवल बिनायक नगरपालिका वडा नं. ६ लयाटीको समन्वयमा बालबालिकाहरूको अवस्था विश्लेषण सम्बन्धी बालिका समुहसंगको छलफल कार्यक्रम पन्चदेवल बिनाएक नगरपालिका वडा नं. ६ लयाटीमा सम्पन्न भएको छ।
बालबालिकाहरूका सवालहरूको पहिचानगरी प्राथमिकीकरण गर्ने र समाधानका उपाय खोज्ने उदेश्यले उक्त कार्यक्रम गरिएको हो। कार्यक्रममा उक्त वडामा रहेका बालबालिकाका सवालहरू पहिचान गरिएको थियो भने सहभागीहरूले प्रयोगात्मक बिधीबाट ती सवालहरू मध्यबाट प्राथमिकीकरण गर्नु भएको थियो।
वडा अध्यक्ष कुल बहादुर को अध्यक्षतामा भएको उक्त कार्यक्रममा वडा सदस्य लब बहादुर शाही, हुलाक प्रतिनिधि चक्र बहादुर शाही ,आस्था नेपाल अछामका जनक बहादुर बडुवाल अवस्था विश्लेषण कार्यदलका सदस्य गोगेश बि. क. र निर्मला भूल लगाएत करिव १५ जना को सहभागीता रहेको थियो। उक्त छलफल कार्यक्रमको सहजीकरण कार्यदलका सदस्य गोगेश बि.क र आस्था नेपाल अछामका जनक बडुवाल ले गर्नु भएको थियो।
Discussion about this post