बिधालय तथा क्याम्पसका विद्यार्थीहरुका लागि सचेतनामुलक कार्यक्रम मङ्गलसेन १४ कालागाउमा सम्पन्न भएको छ । सामाजिक विकास कार्यालय अछामको आयाेजनामा कार्यक्रम भएको हाे ।
बाल अधिकार संरक्षण कार्यक्रम अन्तरगत लागू पदार्थ दुर्व्यसन बिरुद्ध तथा मानसिक स्वास्थ्य प्रवर्द्धन एवं आत्महत्या निरुत्साहन सम्वन्धि सचेतना प्रदान गर्ने उदेश्यले कार्यक्रम गरिएको हाे ।
सामाजिक विकास कार्यालय अछामका कार्यालय प्रमुख डम्बर बहादुर रावलकाे अध्यक्षतामा भएको कार्यक्रममा प्रमुख अतिथि जिल्ला प्रशासन कार्यालयका प्रशासकीय अधिकृत सन्तोष विक रहनुभएकाे थियाे । कार्यक्रममा विशिष्ठ अतिथिमा कैलाश बहुमुखी क्याम्पसका क्याम्पस प्रमुख ईश्वर सोडारी र वडानम्वर १४ का अध्यक्ष शिव बहादुर साेडारी रहनुभएकाे थियाे ।
अन्य अतिथिमा जिल्ला प्रहरी कार्यालय अछामका प्रहरी निरीक्षक जय पार्की, अन्नपूर्ण माविका प्रधानाध्यापक पूर्ण प्रसाद भण्डारी लगायतका अतिथि रहनुभएकाे थियो ।
कार्यक्रममा मानसिक स्वास्थ्य, लागू पदार्थ दुर्व्यसनी न्यूनिकरण र आत्महत्या निरुत्साहन सम्बन्धी प्रशिक्षण गरिएको थियाे ।
कैलाश बहुमुखी क्याम्पस र अन्नपूर्ण माविका गरि करिब १०० जना विद्यार्थीहरुकाे सहभागीता रहेको कार्यक्रम सञ्चालक जिल्ला प्रशासन कार्यालय अछामका खरिदार करनराज जोशीले गर्नुभएको थियो ।
Discussion about this post