पौष, १५ अछाम
अछामको बान्निगढि जयगढ गाउँपालिका नागरिक लाई घर घरमै सामाजिक सुुरक्षा भत्ता बितरण कार्य लाई जारी राखेको छ ।
जसअन्तरगत वडा नम्वर ५ कालिकाको बाजकोट र वडा नम्वर ६ दर्नाको माजेठानामा सामाजिक सुरक्षा भत्ता बितरण गरिएको छ ।गाउँपालिका अध्यक्ष राजेन्द्र बहादुर खड्का, सुरक्षाकर्मि र पत्रकारको रोहबरमा बैँकका कर्मचारीले कालिका बाजकोटका ९१ र दर्ना माजेठाका ३५ जना सामाजिक सुरक्षा भत्ता पाउने जेष्ठ नागरिक र अशक्त एक महिला गरि करिव १ सय २६ जना लाई सामाजिक सुुरक्षा भत्ता बितरण गरिएको सिभिल बैंक जयगढ शाखाका यज्ञमान खड्काले जानकारी दिनुभएको छ ।
पहिले वडा कार्यलय बाटै आफुले भत्ता बुझ्ने गरेको तर सरकारले बैंक मार्फत लिनुपर्ने बाध्यता गरेपछि आफु जस्ता जेष्ठ नागरिकलाई निकै अप्ठ्यारो परेको तर गाउँपालिकाले घरमै आयर भत्ता दिदा स्थानिय सरकार भएको महसुस गरेको कालिका बाजकोटका उज्जले दमाई बताउनुभएको छ ।आफ्नो घर बाट भत्ता बुझ्नको लागि २ घण्टा हिडेर जानै लाग्ने तर गाउँपालिकाले घरमै आएर भत्ता दिएको भन्दै दर्नाका ८२ बर्षिया भिम प्रशाद ओझा निकै खुसीहुनुभएको छ ।
सरकारले सामाजिक सुरक्षा भत्ता बैंकिङ प्रणाली मार्फत भुक्तानी गर्नु पर्ने नियम लागू गरेपछि विशेष गरि जेष्ठ नागरिक अशक्त हरुले जयगढमा सुरक्षा भत्ता बुझ्न निकै अप्ठ्यारो हुने भएपछि उहाँहरुको सहजताका लागि वडा कार्यलय र वडा कार्यलयमा समेत आउन नसक्ने नागरिकलाई घर–घरमै गएर भत्ता वितरणको कार्य लाई अगाडी बढाईएको गाउँपालिका अध्यक्ष राजेन्द्र बहादुर खड्का बताउनुभएको छ ।सरकारले सामाजिक सुरक्षा भत्ता बैंकिङ प्रणाली मार्फत भुक्तानी गर्नु पर्ने अनिवार्य गरेपछि बैंकिङ प्रणाली मार्फत भुक्तानी गर्न केही ढिलो भएको अध्यक्ष खड्काले बताउनुभयो ।
यस अघि गाउँपालिकाका वडा नम्वर १ गाज्रा, वडा नम्वर २ जनालिकोट, वडा नम्वर ४ तिमिल्सिन र वडा नम्वर ५ कालिकाका केही स्थानमा घर घरमा गएर सामाजिक सुरक्षा बितरण गरिएको बाकी रहेका वडामा समेत सामाजिक सुरक्षा बितरण गरीने अध्यक्ष राजेन्द्र बहादुर खड्काले जानकारी दिनुभएको छ । रामारोशन टुडे बाट
Discussion about this post