माधव तिमिल्सैना अछाम – वल्डभिजन र आस्था नेपालको साझेदारीमा सञ्चालित बाल संरक्षण बाल स्पोनसरसिप परियोजना अन्तर्गत राहत वितरण कार्यक्रम निरन्तर जारी छ । आज पनि बाल संरक्षण बाल स्पोनसरसिप परियोजना अन्तर्गत राहत वितरण गरिएको छ ।
पञ्चदेवल विनायक नगरपालिका वडा नं २,३,६ र ७ मा १३÷१३ जना गरि संस्थामा नाम दर्ता गरिएका विपन्न परिवारका बालबालिकालाई राहत वितरण गरिएको हो । उनीहरुलाई प्रति व्यक्ति ३० के.जी. चामल, ३ के.जी. दाल, २ के.जी. चिनी, २ के.जी. नून, २ लिटर खाने तेल, ४ पिस साबुन गरेर प्रति व्यक्ति रु. ३०४३ बराबरको सामान वितरण गरिएको छ ।
राहत वितरण कार्यक्रममा पञ्चदेवल विनायक नगरपालिका वडा नं ३ का वडाध्यक्ष सुरेन्द्र कुमार शाही, ६ तोलीका वडाध्यक्ष पुर्ण रावल, प्रमिला रावल लगायतको उपस्थिति रहेको थियो ।
यसअघि पञ्चदेवल विनायक नगरपालिका वडा नं १ कुईका र ४ कालिकास्थान तथा कमलबजार नगरपालिका वडा नं ३ बयालामा गरेर संस्थामा नाम दर्ता गरिएका विपन्न परिवारका ३९ जनालाई राहत वितरण गरिएको थियो । कार्यक्रमको सहजिकरण फिल्ड अधिकृत कुल बहादुर रावलले गर्नुभएको थियो ।
Discussion about this post