सुर्खेतका पत्रकारलाई अस्पतालको राहत प्याकेज,उपचारमा १०प्रतिशत छुट

सुर्खेत । सुर्खेतमा कार्यरत पत्रकारहरुलाई वीरेन्द्रनगर स्थित देउती अस्पताल प्रालिर्ले उपचार शुल्कमा १० हजार बराबरको छुट दिने घोषणा गरेको छ ।
नेपाल पत्रकार महासंघ सुर्खेत शाखाको समन्वयमा देउती अस्पतालले आइतबार उपचार शुल्कमा १० हजार बराबरको रकम नलिने घोषणा गरेको हो ।

पत्रकारहरु अग्रपंक्तिमा खटिर जोखिम मोलेर पनि नागरिकहरुलाई सुचना प्रवाह गर्ने भएकाले पत्रकारले उपचार गर्दा राहत होस भनेर यो निर्णय भएको हो,’ अस्पतालका प्रबन्ध निर्देशक डा। लोकेन्द्र थापाले भने।

साथै उनले पत्रकारहरु सँग सहकार्य गर्न चाहेको कुरा पनि सुनाए । केही दिनभित्र महासंघ र अस्पतालवीच सो सम्वन्धमा लिखित सहमति गरिनेछ ।
नेपाल पत्रकार महासंघ सुर्खेत शाखाका अध्यक्ष ललित बस्सेलले आगामी दिनमा पनि महासंघ सहकार्य गरेर जान तयार रहेको बताए ।

यो कार्यबाट जिल्लाका पत्रकारहरुको स्वास्थ्य सेवामा आर्थिक व्ययभारमा केही राहत महसुस हुने अपेक्षा छ ,’ उनले भने ।