बिनायक, अछाम — अछाम जिल्लाको पञ्चदेवल विनायक नगरपालिकामा अवस्थित पञ्चदेवल क्याम्पसको सञ्चालक समितिको अध्यक्ष पदमा श्री टंक बहादुर धामी पुनः सर्वसम्मत रूपमा निर्वाचित हुनुभएको छ। यो उहाँको दोस्रो कार्यकाल हो।
क्याम्पसको हालै सम्पन्न विशेष साधारण सभा तथा सञ्चालक समितिको बैठकले धामीलाई आगामी कार्यकालका लागि सर्वसम्मत रूपमा अध्यक्ष चयन गरेको हो।
लामो समयदेखि सामाजिक तथा शैक्षिक क्षेत्रमा सक्रिय रहँदै आउनुभएका धामीको पुनः चयनसँगै क्याम्पसले अनुभवी, सक्षम र जुझारु नेतृत्व पाएको भन्दै स्थानीय शिक्षाप्रेमी, विद्यार्थी तथा सरोकारवालाहरूले खुशी व्यक्त गरेका छन्।
नवनिर्वाचित अध्यक्ष धामीले आफ्नो कार्यकालमा क्याम्पसको शैक्षिक गुणस्तर अभिवृद्धि, प्रशासनिक पारदर्शिता सुदृढीकरण तथा भौतिक पूर्वाधार विकासलाई प्रमुख प्राथमिकतामा राख्ने प्रतिबद्धता व्यक्त गर्नुभएको छ।
पञ्चदेवल क्याम्पसलाई यस क्षेत्रकै उत्कृष्ट शैक्षिक केन्द्रका रूपमा स्थापित गर्नु हाम्रो मुख्य लक्ष्य हो उहाँले भन्नुभयो।
धामीको नेतृत्वमा क्याम्पसले आगामी दिनमा थप प्रगति हासिल गर्ने विश्वास गरिएको छ।
Discussion about this post