दाङः सशस्त्रका सहायक हवल्दारले आफैँलाई गोली चलाएका छन्। दाङको तुलसीपुरस्थित कारागार सुरक्षा गुल्ममा कार्यरत सशस्त्र प्रहरीका सहायक हवल्दारले आफैँलाई गोली चलाएका हुन्।
आइतबार बेलुका ८ः३० बजेतिर आफैँलाई गोली हान्दा तुलसीपुर उपमहानगरपालिका–८ टिकरीनिवासी सहायक हवलदार ३५ वर्षीय वसन्त केसीको घटनास्थलमै मृत्यु भएको हो। उनी कारागार सुरक्षा गुल्म तुलसीपुरमा चार, पाँच दिन पहिले मात्रै आएका थिए। डेयुटीमै रहेका केसीले आफैँलाई गोली चलाएको विषयमा थप अनुसन्धान भइरहेको इलाका प्रहरी कार्यालय तुलसीपुरका प्रहरी नायव उपरीक्षक पुष्पराज मल्लले बताएका छन्। केसी यसअघि ४८ नम्बर रिजर्भ गुल्म कपिलवस्तुमा कार्यरत थिए।
Discussion about this post