धनगढीको एक फर्निचरमा आगलागी 

धनगढी: धनगढीमा रहेको एक फर्निचर उद्योगमा आगलागी भएको छ।

धनगढी उपमहानगरपालिका वडा नम्बर–६ मट्यारीमा रहेको न्यू लक्ष्मी स:मिल तथा फर्निचर उद्योगमा आज अपरान्ह १२:४० बजेको समयमा आगलागी भएको जिल्ला प्रहरी कार्यालय कैलालीले जनाएको छ। टीनको ट्रस्ट बनाउने क्रममा व्लिडिङ मेसिनबाट निस्किएको आगोको झिल्काले आगलागी भएको जिल्ला प्रहरी कार्यालय कैलालीका डिएसपी कुलदिप चन्दले बताए।

डिएसपी चन्दका अनुसार धनगढी ६ स्थित ढुङ्गे बजारमा रहेको धर्मराज जोशीले सञ्चालन गरेको उक्त उद्योगमा आगलागी भएको बताए। सञ्चालकका अनुसार करिब २५ देखी ३० लाख बराबरको क्षती भएको उनले बताए। आगलागी नियन्त्रणमा आइसकेको भएपनि क्षतिको थप विवरण भने आउन बाँकी रहेको उनले बताए।