मुख्यमन्त्री शाहलाई विश्वासको मत जुटाउने जिम्मा काँग्रेस नेता बलायरलाई

धनगढीः सुदूरपश्चिम प्रदेशका मुख्यमन्त्री कमलबहादुर शाहलाई विश्वासको मत जुटाउने जिम्मा काँग्रेस नेता वीरबहादुर बलायरलाई दिइएको छ। नेपाली काँग्रेसको प्रदेश सभापतिसमेत रहेका पूर्व मन्त्री बलायरलाई मुख्यमन्त्रीका लागि विश्वासको मत जुटाउने जिम्मेवादी दिइएको हो। आइतवारको प्रदेश कार्यसमितिको बैठकले उनलाई मुख्यमन्त्री शाहको पक्षमा विश्वासको मत जुटाउनका लागि आवश्यक समन्वय गर्ने जिम्मेवारी दिने निर्णय गरेको छ।

काँग्रेस प्रदेशकार्य समिति सदस्य सुरत रावत ९डोटेली कान्छा०ले सुदूरपश्चिमका मुख्यमन्त्री शाहका लागि विश्वासको मत जुटाउने जिम्मा प्रदेश सभापति बलायरलाई दिएको बताए। बलायरले राजनीतिक दलहरुसँग विश्वासको मतका लागि छलफल गर्ने छन्।

रावतले वडा स्तरसम्म पार्टीको गतिविधि बढाउने र चैतसम्म पार्टीका विभागहरुलाई समेत पूर्णता दिने निर्णय भएको बताएका छन्।

नेपाली काँग्रेसबाट विजयी प्रदेश सभा सदस्य कमलबहादुर शाह गत बिहीवार संविधानको धारा १६८ ९३० अनुसार सुदूरपश्चिमको मुख्यमन्त्री नियुक्त भएका थिए। संविधानको धारा १६८ ९२० अनुसार मुख्यमन्त्री बनेका नेकपा एमाले संसदीय दलका नेता राजेन्द्रसिंह रावलले विश्वासको मत नपाएपछि धारा ३ अनुसार ठुलो दलको संसदीय दलको नेताको हैसियतमा उनी मुख्यमन्त्रीमा नियुक्त भएका हुन्। शाह प्रदेश सभाबाट विश्वासको मतको वातावरण बनाउन संघीय राजधानी काठमाण्डौँ गएका छन्। उनले आइतवार मात्र पार्टी सभापति तथा पूर्वप्रधानमन्त्री शेरबहादुर देउवालगाएतका नेतासँट भेट गरेका छन्।

सुदूरपश्चिममा काँग्रेसका १९, माओवादीका ११, एमालेका १०, नागरिक उन्मुक्तिका सात, एकीकृत समाजवादीका चार, राप्रपाका एक र एक जना स्वतन्त्र प्रदेश सभा सदस्य छन्। ५३ सदसीय प्रदेश सभामा विश्वासको मतका लागि २७ प्रदेश सभा सदस्य आवस्यक हुन्छ। काँग्रेसलाई विश्वासको मतका लागि नागरिक उन्मुक्ति, माओवादी र एमाले मध्ये एक दलको साथ आवस्यक हुन्छ।