माधव तिमिल्सैना
अछामः हातेमालो बचत तथा ऋण सहकारी संस्था लिमिटेड विनायकको १८ औँ वार्षिक साधारण सभा सम्पन्न भएको छ ।
संस्थाका अध्यक्ष बखत कडायतको अध्यक्षतामा भएको उक्त्त कार्यक्रमका प्रमुख अतिथि पञ्चदेवल विनायक नगरपालिकाका नगर प्रमुख देवराज देवकोटा रहनुभएको थियो भने नगर उपप्रमुख अम्बिका चलाउने विशिष्ट अतिथि रहनुभएको थियो । पञ्चदेवल विनायक नगरपालिकाका नगर प्रमुख देवराज देवकोटाले ब्यानर वाचन र मैनबत्ति प्रज्वलन गरेर कार्यक्रमको समउद्घाटन गर्नुभएको थियो ।
कार्यक्रममा विभिन्न क्षेत्रअन्तर्गतका प्रतिवेदन प्रस्तुत गरिएको छ । जसमा लेखा तथा सुपरिवेक्षण समिति संयोजक भरतराज अधिकारीले आर्थिक वर्ष ०७६/०७७ को लेखा तथा सुपरिवेक्षण समितिको प्रतिवेदन प्रस्तुत गर्नभएको थियो । त्यस्तै संस्थाका कोषाध्यक्ष सुनसरा तिमिल्सैनाले संस्थाको आर्थिक वर्ष ०७६/०७७ को अनुमानित आय.ब्याय. प्रस्तुत गर्नभएको थियो । आर्थिक वर्ष ०७६/०७७ को लेखा परिक्षण प्रतिवेदन संस्थाका उपाध्यक्ष दिपेन्द्र बहादुर धामिले प्रस्तुत गर्नभएको थियो भने आर्थिक वर्ष ०७६/०७७ को क्रण उपसमितिको प्रतिवेदन ऋण उपसमितिका सदस्य तीर्थराज न्यौपानेले प्रस्तुत गर्नभएको थियो । आर्थिक वर्ष ०७६/०७७ को अन्तिम लेखा परिक्षण प्रतिवेदन हातेमालो बचत तथा क्रण सहकारी संस्था लिमिटेडका व्यवस्थापक नरेन्द्र प्रसाद न्यौपानेले प्रस्तुत गर्नभएको थियो ।
कार्यक्रमका अन्य अतिथिमा जिल्ला बचत तथा क्रण सहकारी संघका अध्यक्ष चन्द्र प्रसाद भण्डारी, नगरभित्रका १ देखि ९ नं वडाका सम्प’णर् वडाध्यक्षहरु, नेकपा जिल्ला कमिटि सचिवालय सदस्य कार्यलय सचिव नवराज न्यौपाने, संस्थाका शेयर सदस्यहरु, नेपाली कांग्रस वडा नं २ का वडा सभापति महारुप धामी, समाजवादी पार्टी नेपालका प्रदेश कमिटि सदस्य पदमराज देवकोटा, राष्ट्रिय प्रजातन्त्र पार्टीका नगर अध्यक्ष रण बहादुर शाहि, पञ्चदेवल विनायक नगरपालिका कार्यपालिका सदस्य अम्बकला भुल, नगर सभाका सदस्यहरु ,पत्रकार लगायतको उपस्थिति रहेको थियो ।
संचालक समितिका उपाध्यक्ष दिपेन्द्र बहादुर धामीको स्वागत मन्तव्यबाट सुरु भएको साधारण सभाको संचालन संस्थाका सचिव हंशराज अधिकारीले गर्नभएको थियो ।
Discussion about this post