अछाम — शिक्षक तथा विद्यालय व्यवस्थापन समिति का प्रतिनिधिहरूलाई लक्षित गरी विद्यालय स्वास्थ्य कार्यक्रम तथा लैङ्गिक समानता तथा सामाजिक समावेशीकरण उत्तरदायी शिक्षण सम्बन्धी तालिम सम्पन्न भएको छ।
GIZ आर्थिक सहयोगमा तथा सामुदायिक विकास केन्द्र डोटी को आयोजनामा सञ्चालन गरिएको थियो। कार्यक्रमको समन्वय तथा सहकार्य पञ्चदेवल विनायक नगरपालिका–०३ ले गरेको थियो।
लैङ्गिक रुपान्तरणमार्फत सामुदायिक सशक्तीकरण भन्ने मूल उद्देश्यसहित आयोजना गरिएको उक्त तालिम २०८२ साल चैत्र २४ गते सम्पन्न भएको हो।
तालिममा सहभागीहरूलाई विद्यालय स्वास्थ्य, विद्यार्थीमैत्री वातावरण निर्माण, तथा न्भ्क्क्ष् उत्तरदायी शिक्षण पद्धतिका विभिन्न पक्षबारे विस्तृत जानकारी प्रदान गरिएको थियो। साथै, शिक्षण–सिकाइ प्रक्रियालाई अझ प्रभावकारी बनाउने उपायहरूबारे समेत छलफल गरिएको आयोजकले जनाएको छ।
कार्यक्रमले शिक्षक तथा बिधालय ब्याबस्थापन समिती पदाधिकारीहरु लाई क्षमता अभिवृद्धि गर्दै विद्यालय तहमा गुणस्तरीय शिक्षाको विकासमा टेवा पुर्याउने अपेक्षा गरिएको छ।
कार्यक्रमको सहजीकरण पञ्चदेवल बिनायक नगरपालिका स्वास्थ्य शाखाका लक्ष्मीकान्त बज्गाई,र कार्यक्रम संयोजक कमला बिष्टले गर्नुभएको थियो।
Discussion about this post