धन बहादुर बुढा अछाम — अछाम जिल्लाको तुर्माखाँद गाउँपालिका वडा नं। ६ स्थित रानिबनमा लैंगिक तथा घरेलु हिंसा विरुद्ध कानुनी सचेतना कार्यक्रम सम्पन्न भएको छ। समुदायमा बढ्दै गएको लैंगिक तथा घरेलु हिंसा न्यूनीकरण गर्ने उद्देश्यले कार्यक्रम आयोजना गरिएको हो।
कार्यक्रमका का.बा अध्यक्ष जवाल सिंह बुढाको अध्यक्षतामा सम्पन्न भएको थियो भने प्रमुख अतिथिका रूपमा तुर्माखाँद गाउँपालिकाकी उपाध्यक्ष तथा न्याय समिति संयोजक बिमला कुमारी शाहीको उपस्थिति रहेको थियो।
कार्यक्रममा गाउँपालिकाका उजुरी प्रशासक अधिकृत प्रेम बहादुर बुढा, न्याय समिति सदस्य सुनिता शाही, गाउँ कार्यपालिका सदस्य एवं न्याय समिति सदस्य झंकर बहादुर नेपाली तथा मेलमिलाप केन्द्र रानिबनका अम्मर न्यौपानेलगायतको सहभागिता रहेको थियो।
सचेतना कार्यक्रममा सहभागीहरूलाई लैंगिक तथा घरेलु हिंसा सम्बन्धी विद्यमान कानुनी व्यवस्था, पीडितले प्राप्त गर्न सक्ने सेवा–सुविधा तथा न्यायिक प्रक्रियाका विषयमा विस्तृत जानकारी प्रदान गरिएको थियो। साथै, हिंसा विरुद्ध समुदायस्तरबाटै एकजुट भई सचेतना अभिवृद्धि गर्नुपर्नेमा जोड दिइएको थियो।
कार्यक्रमको सञ्चालन वडा सचिव प्रवीण रिमालले गर्नुभएको थियो। स्थानीयवासीहरूको उल्लेखनीय सहभागिता रहेको उक्त कार्यक्रमले समुदायमा सकारात्मक सन्देश प्रवाह गरेको आयोजकले
जनाएको छ।
