टंक तिमिल्सैना र सँगिता वडुवालको सुमधुर आवाजमा सजिएको नयाँ देउडा गीत लाईगयो रतेडी

सुदूरपश्चिमको मौलिक संस्कृति र देउडा भाकालाई आत्मसात् गर्दै गायक तथा सर्जक टंक तिमिल्सैना र गायिका सांगिता वडुवालको सुमधुर आवाजमा सजिएको नयाँ देउडा गीत लाईगयो रतेडी सार्वजनिक भएको छ।

परम्परागत भाकालाई आधुनिक प्रविधि र प्रस्तुतिसँग जोडेर बनाइएको यस गीतले सुदूरपश्चिमको कला, संस्कार र प्रेमभावलाई जीवन्त ढंगले प्रस्तुत गरेको छ।

विशेषगरी गायक तिमिल्सिनाको जन्मदिनको अवसर पारेर सार्वजनिक गरिएको यस गीतमा उनले आफ्ना शुभचिन्तकप्रति आभार व्यक्त गर्दै सुदूरपश्चिमको मौलिक देउडा शैलीलाई थप उचाइमा पुर्‍याउने प्रयास गरेका छन्। गीतको शब्द, संगीत र लय संयोजन अत्यन्तै सशक्त रहेको छ।

गाउँघरको परिवेश, मौलिक पोशाक र स्थानीय भावनालाई भिडियोमा कलात्मक ढंगले समेटिएको छ।

सार्वजनिक भएसँगै गीतले सामाजिक सञ्जालमा निकै चर्चा बटुलिरहेको छ। युट्युबमा छोटो समयमै उल्लेखनीय भ्युज पाएको यस गीतले दर्शक–श्रोता दुवैको मन जित्न सफल भएको देखिन्छ। देउडाको स्वादमा मिठास थप्दै आधुनिक प्रस्तुतिसँग सजिएको लाईगयो रतेडी सुन्दा मात्रै होइन, हेर्दा पनि मन छुने खालको छ।

सांगीतिक यात्रामा निरन्तर सक्रिय टंक तिमिल्सैनाको यो सिर्जना देउडा प्रेमीहरूका लागि खास उपहार सावित हुने विश्वास गरिएको छ।

मौलिकतामा आधारित यस्तो प्रस्तुति नेपाली सांस्कृतिक क्षेत्रमा स्वागतयोग्य उदाहरण बनेको छ।
पूरा भिडियो हेर्न तलको थिच्नुहोस