चेतना महिला बहुउद्देश्यीय सहकारी बन्यो जिल्लाकै उत्कृष्ट,सेवा सुविधा विस्तार गर्दै लगिने अध्यक्ष राधा आचार्यको भनाइ

अछाम – अछामको पञ्चदेवल विनायक नगरपालीका वडा नम्बर १ मा सञ्चालित चेतना महिला बहुउद्देश्यीय सहकारी सस्था जिल्लाकै उत्कृष्ट घोषणा भएको छ ।

१०१औ अन्तराष्टिंय सहकारी दिवस २०२३ को अवसर पारेर सुदुरपश्चिम प्रदेश सरकार भुमि व्यवस्था, कृषि तथा सहकारी मन्त्रालयले चेतना महिला बहुउद्देश्यीय सहकारी सस्था लाइ अछाम जिल्लकै उत्कृष्ट सहकारी घोषणा गरि प्रमाण पत्र प्रदान गरेको छ ।

संस्थाले गरेको अहिलेसम्मको योगदानको कदर गरेर सो सम्मान– पत्र प्रदान गरिएको हो । सहकारी मूल्य मान्यता र सिद्धान्तको पालना गरी सामाजिक उत्तरदायित्व अन्तर्गतका कार्यक्रमलाई संस्थाले विशेष प्राथमिकता समेत दिदै आईरहेको छ ।
सहकारीले आफ्ना सदस्यहरुको लागी विभिन्न सिपमुलक तालिम, कृषि, बाख्रापालन, कुखुरा पालन लगाएत व्यवसायिक क्षेत्रमा लगानी गरी जिविकोपार्जनमा उल्लेख्य भुमिका निर्वाह गरिरहेको छ ।

पछिल्लो समय सहकारीको वित्तिय सुचकांकहरुमा उल्लेख्य बृद्धि भएको र सहज र सरल ढंगबाट सदस्य केन्द्रित सेवा सुविधा प्रदान गर्दै आइरहेकोले जिल्ला कै उत्कृष्ट सहकारी बन्न सफल भएको सहकारीका अध्यक्ष राधा आचार्यको भनाइ छ । आफुहरुले सदस्य केन्द्रित सेवा सुविधालाई नै बढि प्राथमिकता दिदै आइरहेको अध्यक्ष आचार्यले बताइन ।

२०६४ सालमा सञ्चानमा आएको सहकारी सस्थामा महिला मात्रै सेयर सदस्य छन्। अहिले सेयर सदस्य संख्या एक सय ६५ जना पुगेको छ। आगामी दिनमा पनि उत्कष्ट काम गर्दै अझै सेवा सुविधा विस्तार गर्दै लगिने सहकारीको योजना रहेको बताइएको छ ।