अछामका समाजसेवी तथा ऊर्जा क्षेत्रका जानकार मान बहादुर शाहीलाई वैकल्पिक ऊर्जा प्रवर्द्धन केन्द्र (AEPC) को कार्यकारी बोर्ड सदस्यमा नियुक्त गरिएको छ। ऊर्जा, जलस्रोत तथा सिंचाइ मन्त्रालयको सिफारिसमा उहाँको नियुक्ति भएको हो।
२०७५ सालदेखि ऊर्जा प्रवर्द्धनका क्षेत्रमा सक्रिय रहेका शाहीले ग्रामीण तथा दुर्गम भेगमा वैकल्पिक ऊर्जाको पहुँच विस्तारमा उल्लेखनीय भूमिका खेल्दै आएका छन्।
उहाँको योगदानको कदर गर्दै ऊर्जा मन्त्रालयले यही २०८२ साल जेठ ९ गतेको निर्णयबाट AEPC को बोर्ड सदस्यमा उहाँलाई मनोनयन गरेको हो।
वैकल्पिक ऊर्जा प्रवर्द्धन केन्द्रका कार्यकारी निर्देशक नवराज ढकालद्वारा हस्ताक्षरित नियुक्ति पत्रमा शाहीको ज्ञान, अनुभव र नेतृत्व क्षमताबाट केन्द्रको काम प्रभावकारी हुने विश्वास व्यक्त गरिएको छ।
उहाँको नियुक्तिले अछाम लगायत सुदूरपश्चिम प्रदेशमा वैकल्पिक ऊर्जा प्रवर्द्धनमा नयाँ आशा थपेको छ।
Discussion about this post