जिल्ला प्रशासन कार्यालय अछामको आयोजनामा बिनायक बजार अनुगमन

सागर देबकोटा अछाम
सनिवार पञ्चदेवल विनायक नगर कार्यपालिकाको कार्यालय, जिल्ला प्रशासन कार्यालय र जिल्ला घरेलु तथा साना उद्योग कार्यालयले संयुक्तरुपमा जिल्ला प्रशासन कार्यालय अछामले बिनायक बजार अनुगमन गरेको छ।

पञ्चदेवल बिनायक नगरपालिका वडा नँ १,२,३ मा रहेको बिनायक बजार क्षेत्र अनुगमन गरिएको हो।

पञ्चदेवल विनायक नगरपालिकाका नगर उपप्रमुख हर्कबहादुर रावलको संयोजकत्वमा जिल्ला प्रशासन कार्यालय अछामका प्रशासकीय अधिकृत सन्तोष बिक पञ्चदेवल विनायक नगरपालिकाका प्रमुख प्रशासकीय अधिकृत ध्रुव प्रसाद सापकोटा घरेलु तथा साना उद्योग कार्यालयका कार्यालय प्रमुख भीमबहादुर सिंह जिल्ला प्रशासन कार्यालय अछामका नायक सुब्बा विनोदराज खनाल नगर उद्योग वाणिज्य सङ्घ विनायकका अध्यक्ष केशवराज तिमिल्सैना स्वास्थ्य शाखा विनायकका प्रतिनिधि इलाका प्रहरी कार्यालय विनायकका प्रहरी सहायक निरीक्षक बिर र्सिङ चैसिर पत्रकार लगायत अन्य कर्मचारीहरूको संयुक्त टोलीद्वारा विनायक बजार परिसर अनुगमन गरिएको छ।

किराना पसलमा गरिएको अनुगमनमा अधिकांश पसलमा मूल्य सूचि नटाँसिएको, साइन बोर्ड नराखेको, म्याद गुज्रेको सामान भेटिएको जिल्ला प्रशासन कार्यालयका प्रशासकीय अधिकृत सन्तोष बिक ले बताए।

अनुगमन गरी व्यवसाय दर्ता तथा नविकरण सम्बन्धी चेकजाँचका साथै म्याद नाघेका बिस्कुट, चाउचाउ, च्युरा, भुजा लगायतका खाद्य सामग्रीहरु जफत गरी नष्ट गरेको छ ।

अनुगमनको क्रममा विभिन्न खाद्यवस्तु बापत करिब १९ हजार ४३३ रुपैयाँ बराबरको सामग्री नष्ट गरिएको छ भने जरिवाना बाफत १२,५०० बराबरको आर्थिक असुल गरीयको छ ।