मुख्यमन्त्रीको प्राथमिक्तामा बेतन कर्णाली

अछाम । सुदूरपश्चिम प्रदेश सरकारका मुख्य मन्त्री कमल बहादुर शाहले गौरवको आयोजना बेतन कर्णाली हाईडोपावरलाई प्राथमिक्तामा राखेर काम गर्ने बताएका छन् ।

अछाम मात्र नभई सिंगो सुदुरपश्चिमको विकास र समृद्धी संग बेतन कर्णाली जोडिएको भन्दै मुख्यमन्त्री शाहले यसको लागि प्रदेश सरकारले सक्दो सहयोग गर्ने बताएका हुन् ।

अछामका पुगेका शाहले बेतन कर्णाली हाईडोपावर अनुगमनका क्रममा उर्जा क्षेत्रलाई प्राथमिक्तामा राखेर काम गर्ने बताएका हुन् । यसबाट धेरै ठुलो विकास र समृद्धी तथा रोजगारीको अवसर सृजना हुने भन्दै यसको लागि सबै पक्षले सहयोग गर्नुपर्ने बताए ।

बेतन कर्णाली हाईडोपावरको काम सक्दो छिटो अघि बढाउन प्रदेश सरकारबाट सहयोग गर्ने पनि उनले बताए । आफु सुदुरपश्चिमका सबै जिल्लामा भम्रण गरेर त्यस ठाँउमा सम्भावनाको खोजी गर्दै समस्या समाधानका लागि क्रियाशिल रहेको बताए ।

सुदुरपश्चिम पुरा हुन नसकेका आयोजनाहरु परा भएमा यस क्षेत्रको मात्र नभई मुलुककै कायापलट हुने समेत उनले बताए । नेपालीहरुको आफ्नै लगानीमा अर्धजलाशययूक्त ४५० मेघावाटको बेतान कर्णाली जलविद्युत आयोजना निर्माण हुदैछ ।

एक अर्को प्रसंगमा बोल्दै मुख्यमन्त्री शाहले जनताका आवश्यक्ताका आधारमा मात्रै यसपटक योजना छनोट गर्न वडा तह देखिनै एकद्धार प्रणाली कडाईका साथ लागु गरिने बताए ।

यसअघि पटक पटक झ्यालबाट योजना खरिद बिक्री भएको गुनासो आएको भन्दै उनले यसपटक त्यस्तो हुन नदिने बताए ।

यदि कहि कतै त्यस्तो भेटिएका तत्काल कारबाही प्रक्रिया अघि बढाउन उनले जिल्ला जिल्ला तथा प्रदेशमा प्रहरी प्रशासनलाई आग्रह गरेका छन् । योजना हालिदिन्छु भन्दै पैसा संकलन गर्ने कार्य सुन्नमा आएको भन्दै मुख्यमन्त्री शाहले यस्तो कार्य तत्काल रोख्न निर्देशन दिएका छन् ।

यस्ता प्रकारका गलत कार्य निषेध गर्न सकेमात्रै सुन्दर र समृद्धी सुदुरपश्चिम बनाउने सपना पुरा हुने उनको बिश्वास छ ।