सुर्खेत – कोरोना संक्रमणका कारण दैलेखमा एक गर्भवती महिलाको मृत्यु भएको छ। आज बिहान साढे ११ बजे त्यी महिलाको मृत्यु भएको हो ।मृत्यु हुनेमा नारायण नगरपालिका–६ की २२ वर्षीया महिला रहेको स्वास्थ्य सेवा कार्यालय दैलेखका प्रमुख थीरप्रसाद रेग्मीले जानकारी दिए ।
रेग्मीका अनुसार त्यी महिलाको स्वास्थ्य सेवा कार्यालय दैलेखमै मृत्यु भएको हो । मृत्यु पश्चात एन्टिजेन टेष्ट गर्दा पोजेटिभ देखिएको रेग्मीले बताए ।उनले भने,‘ मृतक महिला १० महिनाकी गर्भवती रहेकी थिइन् । उनको बच्चा जन्मिने मिति नाघिसकेकाले सुर्खेत रिफर गरेको थियो । अस्पतालले रिफर गरेको भए पनि उनी जान मानेकी थिईनन् ।
यस्तै स्वास्थ्य कार्यालयका कर्मचारीमा कोरोना संक्रमण देखिएपछि अस्पतालको ओपीटी सेवा आजै देखि बन्द गरिएको पनि रेग्मीले जानकारी गराएका छन्
Discussion about this post