कोरोना संक्रमणको दर बढ्दै गएपछि संक्रमणको चेनब्रेक गर्न ९ जिल्लामा निषेधाज्ञा जारी गरिएको छ । कोरोनाको दोस्रो लहरलाई नियन्त्रणमा लिन निषेधाज्ञा जारी गरिएको हो ।
हिजो सोमवार बसेको मन्त्रिपरिषद्को बैठकले काठमाडौं उपत्यकाका तीन जिल्लामा वैशाख १६ गतेदेखि वैशाख महिनाभर निषेधाज्ञा गर्ने निर्णय गरेको छ ।
योसँगै काठमाडौं भक्तपुर,ललितपुर,बाँके, बर्दिया, बागलुङ, कालीकोट, सुर्खेत र कास्की गरि निषेधाज्ञा गर्ने निर्णय भएको जिल्ला नौ पुगेको छ । सुर्खेतमा मंगलवार राति १२ बजेदेखि र कास्कीमा बुधवार बिहान ६ बजेदेखि सात दिनका लागि निषेधाज्ञा जारी गरिएको छ ।
कोरोनाविरुद्ध उपत्यकामा निषेधाज्ञा लगाइएको यो दोस्रोपटक हो । यसअघि गत वर्ष भदौ ३ देखि असोज १ सम्म निषेधाज्ञा जारी गरिएको थियो ।
सोमवारको मन्त्रिपरिषदको बैठकले सीसीएमसीको सिफारिश अनुसार शहरी क्षेत्रमा ५०० भन्दा बढी र पहाडी क्षेत्रमा २०० भन्दा बढी सक्रिय संक्रमित भएमा निषेधाज्ञा जारी गर्ने जिम्मेवारी स्थानीय प्रशासनलाई दिएको छ ।
Discussion about this post