प्राज्ञिक विद्यार्थी परिषद्, नेपालले देशभर जनजागरण एवं दबाव मूलक अभियान सञ्चालन गर्ने भएको छ । बिहिवार पत्रकार महासंघ भवन धनगढी कैलालीमा पत्रकार सम्मेलन गर्दै परिषद्का केन्द्रिय सदस्य मणिराम चौलागाईले जानकारी दिनु भएको हो ।
परिषद्ले विराटनगरमा चैत २०, २१ र २२ गते आठौँ राष्ट्रिय अधिवेशन सम्पन्न गरेको थियो र। अधिवेशनमा भएका गतिविधिका बारेमा जानकारी गराउन गरिएको पत्रकार सम्मेलनमा आगामी कार्यको बारेमा जानकारी थियो ।
परिषद्ले देशभर वैचारिक आन्दोलनको श्रृङ्खला खडा गर्दै विद्यार्थी तथा युवालाई रचनात्मक एवं सकारात्मक भूमिकामा सक्रिय गराउने परिषद्का केन्द्रिय सदस्य मणिराम चौलागाईले बताए । यस्तै सांगठनिक कार्यलाई सम्पूर्ण जिल्लाहरूमा थप सशक्त रूपमा विस्तार गर्दै सांगठनिक सुदृढीकरण गर्ने उनको भनाई छ । परिषद्ले क्याम्पस इकाईलाई समेत व्यापक र सक्रिय बनाउदै शिक्षामा भएको व्यापारिकरणलाई अन्त्य गर्न यस्तो अभियान संचालन गर्न लागिएको विद्यार्थी परिषद्का केन्द्रिय सदस्य चौलागाईंले जनाएका छन् ।
यस्तै परिषद्ले आठौँ राष्ट्रिय अधिवेशन सम्पन्नगर्न सहयोग एवं सद्भाव व्यक्तगर्ने सम्पूर्ण विराटनगर वासी, उद्योगी, समाजसेवी, बुद्धिजिवि, पत्रकार, सुरक्षा निकाय तथा प्रशासनिक निकायलाई धन्यवाद समेत ज्ञापन गरेको छ । परिषद्ले आठौँ राष्ट्रिय अधिवेशनबाट तीन वटा महत्वपुर्ण प्रस्तावहरूपारित गरिएको विद्यार्थी परिषद्ले पत्रकार सम्मेलनबाट जागकारि गराउदै परिषद्को तीनवटा प्रस्ताव सार्वजनिक गरिएको थियो
Discussion about this post