कर्णाली नदीमा हात बाँधेको अवस्थामा दुई बहिनीको शव फेला
अछाम: कर्णाली नदीमा हात बाँधिएको अवस्थामा एउटै घरका दुई बहिनीको शव फेला परेको छ । दैलेखको आठवीस नगरपालिकाको राकम कर्णालीस्थित साईखोला नजिकै कर्णाली नदीमा पानीमा डुबिरहेको अवस्थामा स्थानीयले दुईजनाको शव फेला पारेका हुन् ।
मृत फेला पर्ने आठवीस नगरपालिका वडा नम्बर ३ निमायलका स्थानीय मानसिंह बडुवालका छोरी बर्ष १६ की कल्पना बडुवाल, १२ बर्षकी सरिता बडुवाल भएको जनाइएको छ ।
इलाका प्रहरी कार्यालय राकमका प्रहरी सहायक निरीक्षक गोविन्द ढकालका अनुसार बडुवालकी श्रीमती सहित तीन छोरी र एक छोरा आज ९सोमबार० दिउँस अन्दाजी दुई बजेदेखि घरबाट निस्किएको प्रारम्भिक अनुसन्धानबाट खुलेको छ ।
मानसिंह बडुवालले प्रहरीमा दिएको जानकारी अनुसार घरायसी विवाद हुँदा छोरा(छोरीसहित श्रीमती घरबाट गएको बयान दिएको प्रसनि ढकालले जानकारी दिए ।
Discussion about this post