मङ्गलसेन नगरपालिका–१४ मा उन्नत चुलो वितरण कार्यक्रम सुरु भएको छ।
आस्था नेपाल र प्राक्टिकल एक्शनको साझेदारीमा सञ्चालित उन्नत चुलो परियोजना अन्तर्गत उपभोक्तालाई चुलो उपलब्ध गराउने उद्देश्यले उक्त कार्यक्रम आयोजना गरिएको हो।
वडा अध्यक्ष शिव बहादुर बोगटीको उपस्थितिमा आयोजित कार्यक्रममा आज पहिलो दिन १८ वटा उन्नत चुलो वितरण गरिएको थियो।
परियोजना अनुसार प्रत्येक उपभोक्ताले चुलो लिनका लागि २,६०० रुपैयाँ तिर्ने व्यवस्था गरिएको छ भने परियोजनाबाट प्रति चुलो ३,७०० रुपैयाँ अनुदान प्रदान गरिएको छ।कार्यक्रमको सहजीकरण आस्था नेपालका फिल्ड सहायक सागर देवकोटाले गरेका थिए।
अभिमुखीकरण तथा चुलो प्रदर्शनी कार्यक्रमपश्चात चुलो वितरण गरिएको हो।यस परियोजनाबाट स्वच्छ ऊर्जा प्रवर्द्धन गर्दै ग्रामीण भेगका नागरिकलाई धुवाँरहित तथा प्रभावकारी चुलो प्रयोग गर्न प्रेरित गर्ने लक्ष्य राखिएको छ। फिल्ड सहायक सागर देबकोटा ले जानकारी दिएका छन।
Discussion about this post