२४ माघ, काठमाडौं । नेपाल विद्यार्थी संघका केन्द्रीय सदस्य एवं नेपाली कांग्रेस अछाम क्षेत्र नं। २ का महाधिवेशन प्रतिनिधि टेक बहादुर विकले अछामका विद्यार्थीहरूलाई शैक्षिक सामग्री वितरण गरेका छन् । अछाम जिल्लाका विभिन्न विद्यालयका कुल १९९ गरिब तथा जेहेन्दार विद्यार्थीहरूलाई उनले विभिन्न शैक्षिक सामग्री वितरण गरेका हुन ।
केही दिन अघि काठमाडौंबाट गृह जिल्ला अछाम गएका विद्यार्थी नेता बिकले ढकारी गाउँपालिका वडा १ गुरुकुल माविमा अध्ययनरत ५३ जना, शिशु सुधार प्राविका ७६ जना, बिधा प्रबोधिनी उच्च मावि ४५ जना तथा त्रिपुरा सुन्दरी मावि २५ जना गरी ४ वटा विद्यालयका १९९ जना जेहेन्दार,आमा बुवा गुमाएका टुहुरा तथा गरिब विद्यार्थीहरूलाई शैक्षिक सामग्री वितरण गरेका थिए ।
सेवा नै धर्म हो भन्दै आफूले एउटा असल अभिभावकको रुपमा उक्त कार्य गरेको तथा निरन्तर जेहेन्दार तथा गरिब विद्यार्थीको साथमा रही सामाजिक सेवामा जीवन समर्पित गर्ने प्रण गरेकोअछाम टुडेलाई उनले बताए ।
