रमेश रावत अछाम । अछामका एक जना बृद्ध भारतमा बेपत्ता भएका छन । अछामको पञ्चदेवल विनायक नगरपालिका वडा नं. ३ का ६० बर्षका पुरी अधिकारी भारतको उत्तरप्रदेशबाट बेपत्ता भएका हुन ।
भारतको उत्तरप्रदेश स्थित जैनपुर जिल्लाको भगलपुरमा काम गरिरहेका अधिकारी ११ दिन देखि परिवार तथा आफन्तको सम्पर्कमा नरहेको उनका छोरा गणेशराज अधिकारीले अछाम टुडे लाई बताए ।
जनवरी २५ तारिख देखि अधिकारी बेपत्ता रहेका हुन । भारतमा रहेका आफन्त तथा नेपालीहरुले उनको खोजि गरेका छन तर उनी सम्पर्कमा आएका छैनन् ।
उनको खोजिका लागी परिवारले सबै पक्ष संग अनुरोध गरेको परिवारका सदस्य प्रशान्त अधिकारीले जानकारी दिए ।
