उचित क्षतिपुर्ती नदिए टिप्पर संचालन रोक्ने चेतावती -अछाम टुडे

सुर्खेत :गएको २४ गते सुर्खेतको छिन्चु बजारमा टिप्परको ठक्करबाट ज्यान गुमाएका ताराकुमारी आलेका आफन्तले उचित क्षतिपूर्तीको माग राख्दै मंगलबार जिल्ला प्रशासन कार्यालय सुर्खेतमा ज्ञापनपत्र बुझाएका छन् ।

पीडितहरुले आफुहरुलाई कुनै जानकारी नै नदिई मृतकको शब उठाएपछि आन्दोलन गरेको बताएका छन् ।पिडितहरुले आज जिल्ला प्रशासनमा ज्ञापन पत्र बुझाउँदै बुधबार देखि वीरेन्द्रनगरमा टिप्पर संचालनमा रोक लगाउने चेतावनी दिएका छन् ।

विज्ञप्तीमा भनिएको छ– सुर्खेतमा बढ्दै गएको दुर्घटनालाई हेर्दा मुलपानी चोक, मदानी चौर, पिपिरा, मेहेलकुना तथा छिन्चुमा टिप्पर कै ठक्करबाट ज्यान गएको अवगत नै छ । टिप्परको ओभरलोड, तिब्रगति, टिप्पर संचालन हुने निश्चित समय सिमा नहुँदा सुर्खेतमा टिप्पर आतंक दिनप्रतिदिन झनै भयावह रुपले बढीरहेको छ ।

टिप्परको ठक्करबाट ज्यान गुमाउनेको परिवारलाई उचित क्षतिपूर्ती नदिएका कारण टिप्पर आतंक तत्काल बन्द गरि मानिसको ज्यान बचाउन सम्बन्धित निकायले उचित कदम चालोस भन्ने माग छ ।

सहित सुर्खेत जिल्लाभर मंगलबार अनिश्चितकालिन टिप्पर संचालनमा रोक लगाएको विज्ञप्तीमा उल्लेख छ । शुक्रबार वीरेन्द्रनगरबाट नेपालगञ्ज जाँदै गरेको मोटरसाईकलाई सोही दिशातर्फ जाँदै गरेको कर्णाली प्रदेश ००१ क ००९९ नम्बरको टिप्परले भे ७ प ५२०६ नम्बरको मोटरलाइकललाई छिन्चु बजारको पेट्रोल पम्प अगाडी ठक्कर ठक्कर दिँदा ताराकुमारी आलेको मृत्यु भएको थियो ।

दुर्घटनाबाट मोटरसाईकल चालक शुभकालिका गाउँपालिका कालिकोटका चालक २६ वर्षीय दुर्गा शाही घाइते भएका थिए ।